વિવેકાનંદની વાણી-મણકો -૧

          

          સ્વામી વિવેકાનંદ આપણી ભારતીય સનાતન પરંપરાના વાહક અને એની જ્યોત સમગ્ર વિશ્વમાં જલાવવા માટે પોતાના જીવનના અમૂલ્ય વર્ષો દરમિયાન એમને ઘણી સાધન કરી અને રામકૃષ્ણ પરમહંસ પાસેથી દીક્ષા મેળવ્યા બાદ તેમણે પોતાના વિચારોના વાવેતર માટે અને સમગ્ર વિશ્વના કલ્યાણ માટે એમને ખૂબ જ વિચરણ કર્યું. આ વિચરણ દરમિયાન એમણે લોકોને પોતાના જીવનમાં આત્મવિશ્વાસ કેળવવા અને જીવનને ઉન્નત બનાવવા માટે સતત પ્રચંડ પુરુષાર્થ કરવા માટે પ્રેરણા આપી. આપણે આ બ્લોગમાં આજથી એમની વિચારોની યાત્રાને આગળ વધારીએ અને હું અહિયાં મારા વિવેકાનંદ વિશેના વાચન બાદ ચિંતન-મનન કરેલ વિચારો મૂકવાનો પ્રયત્ન કરીશ, જે આપને પસંદ આવશે એવો મને વિશ્વાસ છે.

         દેહમાં કશી તાકાત વિનાના અને હ્રદયમાં કોઈપણ ઉત્સાહ વિનાના તેમજ મગજમાં જરાય મૌલિકતા વિનાના આ જડ પદાર્થના લોચા જેવા માણસો શું કરી શકવાના છે? તેમનામાં મારે પ્રાણ પુરવાના છે. તેમનામાં ઉત્સાહ લાવીને મારે તેમને જીવંત કરવા છે. આ કાર્ય કરવા માટે જ મે મારું સમગ્ર જીવન સમર્પિત કર્યું છે. વૈદિક મંત્રોની તાકાતથી હું તેમને જાગ્રત કરીશ. તેમની પાસે ઉતિષ્ઠત જાગ્રતતા માટેના અભય સંદેશની ઉદઘોષના કરાવવા માટે જ મે જન્મ લીધો છે અને આ બાબત મારી સાથે જોડાયેલા આપ સર્વેને લાગુ પડે છે.

          હું માનવજાતિનો એક નવો જ વર્ગ ઊભો કરવા માંગુ છે, જે અંતઃકરણ પૂર્વક ઈશ્વરમાં માનતો હોય અને તેને દુનિયાની કશી જ પડી ના હોય. ભરતવર્ષની જનતાનો ઉદ્ધાર કરવા માટેના કર્તવ્યમાં મન-પ્રાણને સમર્પિત કરી શકે એવા યુવાનોની વચ્ચે જઈને કામ કરીએ અને એમને જાગ્રત કરીએ, સંગઠિત કરીએ. કેળવ ત્યાગની ભાવનાથી પ્રેરાઇને આ કાર્ય કરવાનો સમગ્ર આધાર ભારતના યુવાનો પર જ છે.                

          આ યુવાનોને સંગઠિત કરવા જોઈએ અને આટલું જ નહિ, પ્રત્યેક શહેરમાં પણ સેકંડો યુવાનો આ કાર્યમાં આપણી સાથે જોડાવા તૈયાર છે. ભારતમાં ગરીબ અને દલિતની સાથે દરેક વર્ગના લોકો સુધી નીતિ, ધર્મ, શિક્ષણ અને સુખ-સગવડતા પહોંચાડવા માટે મારે તેમને મોકલવા છે. તમારું ભાવિ ઘડવાનો આ જ એક ઉત્તમ સમય છે. જ્યારે તમે ઘસડાઈને મુડદાલ જેવા થઈ જશો ત્યારે કોઈ કામ કરી શકશો નહી. યુવાનીની ખરી તાકાત અને તાજગી છે ત્યારે જ તમે આ સરળતાથી કરી શકો છો. માટે આપણે યુવાનો આ કામ-કાજ કરવા માટે લાગી જઈએ. જીવન ઘણું ટૂંકું છે. તમારા લોકો માટે અને માનવજાતના કલ્યાણ માટે તમારી જાતનું બલિદાન આપવાનું કાર્ય જ મહાન છે. 

#સ્વામી વિવેકાનંદના વિચારોમાંથી સંપાદિત અને ચિતન-મનન કરેલ વિચારોનો પુષ્પગુચ્છ