મહાત્મા મોહનદાસ કરમચંદ ગાંધી એક એવું નામ કે જે ભારતભૂમિ સાથે એવી રીતે વીંટળાઇ ગયું છે કે તેમનું જીવન જ આપણને સર્વને કઈક ને કઈ પ્રેરણા આપ્યા જ કરે છે. તેમનું નામ અને કામ માત્ર ભારતમાં જ નહી પરંતુ સમગ્ર વિશ્વ માટે પરિવર્તન સર્જનાર છે ત્યારે આપણા ભવ્ય ભારત દેશની આ વિરલ વિભતી સમાન આપણા રાષ્ટ્રપિતા મહાત્મા ગાંધીજીની આજે ૧૫૧મી જન્મજયંતિ નિમિત્તે એક નાનકડી રચના થકી બાપુને સ્મર્ણાંજલિ આપવનો પ્રયાસ....
મોહન આજે પણ એટલા જ પ્રસ્તુત છે!
સત્ય કેરી મશાલમાં ને અહિંસા કેરા આવજમાં,
જીવનના દરેક ગીતમાં મોહન આજે પણ એટલા જ પ્રસ્તુત છે!
વેરથી વેર નહી શમે અહી, એમાં પ્રેમની કઈં વાત તો કરીએ,
એકબીજા સાથેના હકારમાં મોહન આજે પણ એટલા જ પ્રસ્તુત છે!
સ્વચ્છતા અભિયાનમાં ને પ્લાસ્ટિકના પ્રતિબંધમાં,
યોગના અનુરાગ્માં મોહન આજે પણ એટલા જ પ્રસ્તુત છે!
વિતી ગઇકાલમાં, આજમાં ને આવતીકાલમાં પણ,
જીવનના દરેક સંઘર્ષમાં મોહન આજે પણ એટલા જ પ્રસ્તુત છે!
No comments:
Post a Comment